एम जे एफ मध्ये योग दिन संपन्न

संजय पारधी बल्लारपूर

महाराष्ट्र शिक्षण प्रसारक मंडळ अंतर्गत महात्मा ज्योतिबा फुले महाविद्यालय बल्लारपूर येथे दहावा आंतरराष्ट्रीय योग दिन आज दिनांक 21 जून रोजी संपन्न झाला . योग दिनाकरिता महाविद्यालयाचे प्रभारी प्राचार्य डॉ. चव्हाण सर व एनसीसी विभागाचे ए. एन. ओ. प्राध्यापक योगेश टेकाडे आणि ग्रंथालय प्रमुख प्राध्यापक डॉ. पंकज कावरे उपस्थित होते . तसेच महाविद्यालयातील विद्यार्थी उपस्थित होते. विद्यार्थ्यांनी योग केल्यानंतर योगाचे महत्त्व समजावून सांगितले . त्यानंतर सर्वांना योग दिनाच्या शुभेच्छा देण्यात आल्या . तत्पूर्वी सामूहिक सूर्यनमस्कार करताना विद्यार्थ्यांना सूर्यनमस्कार अर्थात अष्टांग योगामुळे मानवी शरीरात असणाऱ्या व्याधी कशा दूर होतात याबाबत मार्गदर्शन करण्यात आले.